T26 證實 2023年2月1日橫空面世❗❗

 

總共十五間 Agencies ❗❗

• Allegis Group Hong Kong Limited (NEW)
• Chandler Macleod Group (HK) Limited (OUT)
• CIIC Hong Kong Limited (NEW)
• CL Technical Services Limited
• EDPS Systems Limited
• Global Executive Consultants Limited
• InfoTech Services (Hong Kong) Limited
• IT People Limited
• IT Solutions Limited
• Manpower Services (Hong Kong) Limited
• Optimum Solutions (Singapore) Pte Limited (OUT)
• Peoplebank Hong Kong Limited
• PERSOLKELLY Hong Kong Limited
• Seamatch Asia Limited
• Speedy Group Corp. Limited
• Taylor Coulter Limited
• Venturenix Limited (NEW)

其中的 ciic 大家要留意一點，佢極有可能是為輸入中國 IT 人才而鋪路。。

T26 - EDPS Innovatives 分析

首先黎講呢，今次 T26 大幅度上調了薪酬加幅，應該是咁多年來最具規模的。。我們當然歡迎政府這決定，抵讚🤣。否則通常只跟到通賬再加少少咁。。言而這當然是針對人才流失的問題啦，這對於留下來的人算是種誘因。。

而政府自 2019 年出既 Contract T&Cs 很多都加入了 Innovatives 既計分方式去做評審標準，包括 T26。評審包括兩部分：Technical 同 Price。比重可以由 50:50 去到 70:30 的，即 Technical 比 Price 更看重。。所以各 Agencies 都一定有報唔同既 Innovaties 成分落去，務求輸價錢(即貴人工)都可以中 Bid。。今次 EDPS 據佢地既說法加左兩點落去。。就如大家看到的圖片。。第一，採取一個更進取的人工調整策略。。會根據服務年資、上次加薪相隔時間、與 EDPS 平均該職級人工作比較，從而𨤸定調整幅度，最高 19%；第二，是史無前例地發放第十三個月糧。。

就第一點來說，其目的是保障偏低薪酬同事，同時又獎勵忠誠的員工。但計算方法則無具體交待。。最高 19%，咁最低呢❓人工平均數又會否對外公布呢❓定只是黑箱作業呢❓當然，OGCIO 極有可能會每季抽查合約的。所以佢地不會不依合約條文來調整。。

第二點，係四年一次個俾😭😭😭根據第 12 24 36 48個月時既月薪❗❗❗中間不能斷約多過１２星期❗❗十三個月糧是現時最為人垢病的地方。。因為首先無人相信這不是羊毛出自羊身上的偷換概念式減月薪方案。。但如果係咁樣，又有可能和第一點有抵觸的地方。。也有可能真的賺少一尐來增取更高 Ceiling Price 來實現雙贏。。第二，四年先拎到仲要無斷約１２星期喎❗❗❗咁如果部門無錢唔續咪渣都無❗❗❗

講到尾，人地 AP 出 55K，SA 出 75K。你如果月薪少過 50.7K 同 69.2K。咁你講咁多都係嘥氣。

Job Postings 2023-02-10

 

成九百份。。佔四分之一TCON。。OGCIO 當然唔俾人轉會啦，白幹一場。。但好像今年ＩＴ撥款不少，所以，大家睇下其他部門也有可能，總之完約前兩個月可自由轉換，完約後也不需要過冷河～

Job Postings 2023-02-10.xlsx

討價

 

雖然，現在資訊是非常流通了，所以你大概對每個 ＰＯＳＴ 既價錢都有個概念了。。但實情我們不是在百佳惠康或７—１１買罐汽水，其實沒有一間所謂最高價的。。可能ＪＰ Ａ公司較好；ＡＰ Ｂ公司較好；ＳＡ　Ｃ公司較好。。所以是每間都有長短處的，不能一概話邊間公間最好。。其次，不同時間入職確實會對公司定價有分別的，因為ＡＧＥＮＣＹ公司是成本固定的公司，做一百個係咁做，做一千個都係咁做，唔會多左好多成本。。所以ＯＮＣＥ佢ＢＲＥＡＫ　ＥＶＥＮ之後，後面加入黎既就會是淨利潤，佢地肯係咁易都俾多尐你，是故好多時新入職的同事比舊人還高人工。。故此不停轉換ＡＧＥＮＴ是一件好事，可以跟返貼個價。。亦因本會公開提高了入職薪酬的透明度，部份公間也會統一一個價目表一次過處理晒Ｔ２５轉Ｔ２６所有員工的續約問題，而且，應該普遍是提高了整體薪酬。。

然而，我想講既其實係傾價錢既一尐竅門。。正如上文所講，我地唔係買罐汽水，價錢係因人而異的，這個也很公平，因為人人條件不同，Ａｇｅｎｃｙ揸住十份ＣＶ，佢會揀一個條件最好的入ＢＩＤ，人工理論上都會俾好尐佢。。而如果你都合資格既，只是ＣＶ無人咁靚，咁可能你就會受一個低尐既人工，誘使ＡＧＥＮＣＹ幫你入ＢＩＤ。。什至乎好多人想升職都甘願接受一個低尐既價錢來拎左個ＴＩＴＬＥ先，咁一兩年後轉ＡＧＥＮＴ時再拎返正價咁都有既。。

另外，針對呢排ＡＧＥＮＣＹ要接成九萬幾個電話，我又想同大家講下，正如我地唔係去超市格價。。我地唔好只是拋出六個字＂ＪＰ幾錢人工？＂ＡＧＥＮＴ本身有個ＲＡＮＧＥ，３３—３７。。當人多既時候，佢當然會揀個最有把握既入ＢＩＤ啦，對嗎❓所以起碼也要準備定一份靚仔既ＣＶ俾ＡＧＥＮＴ先啦，可以先ＷＨＡＴＳＡＰＰ傾下，再ＥＭＡＩＬ　ＳＥＮＤ　ＣＶ。。鳩問只會換來鳩答。。還有既係，好似買樓，買家最有本錢講價既時機大家知唔知❓我只講買家本人，不講大環境。。就係佢揸住一張一百萬銀行本票既時候。。所以，大家如果有ＢＩＤ　ＮＵＭＢＥＲ係手，係最易嗌高到一點點薪酬的時候，切記。

Ｓｔｏｒｅｓ ａｎｄ Ｐｒｏｃｕｒｅｍｅｎｔ Ｒｅｇｕｌａｔｉｏｎｓ

 

做ＴＣＯＮ除了做ＩＴ Ｒｅｌａｔｅｄ既工作之外，做Ｐｒｏｃｕｒｅｍｅｎｔ可算是其一樣最重要要知道的事。。ＧＬＤ的ＳＰＲ大家當然要經常看。。由於太重要，故此本會嘗試略略介紹一下。。大至分為三類，第一類少過五萬蚊，通常有Ｓｔａｎｄａｒｄ　Ｆｏｒｍ可以填，參考２６０ａ），一般由ＣＡＰ去搵兩個Ｑｕｏｔａｔｉｏｎｓ返黎，再由ＡＰＩＩ以上人士Ａｃｃｅｐｔ最平嗰間就可以，該公司通常一定要接受政府既Ｐ ＣＡＲＤ找數。。第二類，高過五萬蚊，但少過百四萬，呢個Ｒａｎｇｅ既通常都會經過ＳＯＡ ＢＵＬＫ去買，可以是ＰＣ ＢＵＬＫ，或者 Ｎｅｔｗｏｒｋ　ａｎｄ　Ｓｅｒｖｅｒ　ＢＵＬＫ，如果是Ｓｅｒｖｉｃｅ的話就經ＱＰＳ去買，會在ｅ—Ｐｒｏｃｕｒｅｍｅｎｔ Ｓｙｓｔｅｍ去做。。要Ｄｒａｆｔ一份Ｗｏｒｋ　Ａｓｓｉｇｎｍｅｎｔ　Ｂｒｉｅｆ，Ａｐｐｒｏｖａｌ同Ａｃｃｅｐｔａｎｃｅ都要相對應職級既同事授權。。

通常要找五間公司，同最好有五間ｑｕｏｔａｔｉｏｎ返，咁就依Ｃｏｌｕｍｎ（Ａ）去做，若然無五間的話，就要高一級的同事授權，即Ｃｏｌｕｍｎ（Ｂ）．．Ａｐｐｒｏｖａｌ同Ａｃｃｅｐｔａｎｃｅ既同事通常係唔同人去做。。即有所謂Ｓｅｇｒｅｇａｔｉｏｎ。。而第三類，係高過百四萬既Ｐｒｏｃｕｒｅｍｅｎｔ，咁就要出Ｏｐｅｎ　Ｔｅｎｄｅｒ，呢個係因為加入左世貿既要求，全世界ＷＴＯ成員國都可以報標，ＧＬＤ會刊登憲報及由經貿處通知相關的成員國已登記的供應商。。耗時及規格最嚴格。。如果超過一千萬會由ＧＬＤ幫手出標同開Ｃｅｎｔｒａｌ　Ｔｅｎｄｅｒ　Ｂｏａｒｄ。。成份Ｉｎｖｉｔａｔｉｏｎ　Ｄｏｃｕｍｅｎｔ亦會經ＧＬＤ過目，耗時很久，由草擬到Ａｗａｒｄ需要一年時間。。

以上只是很簡單咁講解個過程。。日後可能再講解當中的技巧。。

入Ｂｉｄ後彈機的原因。。

 

有一些情況，Agent 同你 Submit 左個 Bid 之後，到 Closed 左既時候會俾 CSAS 彈機的。。包括以下十種情況：

１。你 Fulfil 唔到 essential requirements。呢個好明顯係Agent 出錯，唔夠都寫到夠啦想入的話。。

２。你經多過一間 Agent 入 Bid，無錯，CSAS 唔知的，因為未 Close 係睇唔到 Candidate Information 的。只知有無人入左黎。。咁既情況較高人工都嗰一份會被彈。。

３。你有另一份 Bid 在處理，未完。。通常呢個情況係放左入 Waiting List..

４。你本身做緊TCON，而不會在兩個月內完約。。

５。你本身做緊TCON，會在兩個月內完約，但你經由第二間 Agent 入返原本呢份工。。

６。你完左約，但在兩個月內經第二間 Agent 入返原來既 Post..

７。你辭職，但在三個月內再入 Bid.. 不過如果你原本份 Contract 既 End Date 少於三個月，會以較短既日子為準。。

８。你連續三次拒絕 Offer ，而距離最後嗰次未夠三個月。。

９。你 Accept 左 Offer 但 failed to report duty，而距離該 Start Date 未足三個月。。

１０。你上一份 TCON 因 Poor performance 被終止合約，而未足六個月。。

以上其實都講埋乜野情況要過冷河的，請避免攪錯，浪費左一個機會。

最低要求

 

JP - SPM學歷要求：

１。香港認可的專上學院或大學所頒發的ＩＴ學位＼副學位＼高級文憑。或由英美加澳紐的專上學院或大學所頒發的ＩＴ學位＼副學位＼高級文憑。

或

２。擁有兩年ＩＴ工作經驗及擁有本地或外地專上學院或大學所頒法的非ＩＴ副學位＼高級文憑＼文憑＼ＨＫＤＳＥＥ—五科三分包括英文＼HKALE - 2科E 及 HKCEE - 3科C級包括英文。

ITA SITA 學歷要求：

HKDSEE - 五科二級包括中英文 或 HKCEE - 五科Ｅ級包括中英文。

工作經驗要求：

ITA - 2 年電腦操作經驗

SITA - 5 年電腦操作經驗

JP - 無需工作經驗

P - 2 年 IT 經驗，其中 1 年相關工作經驗

AP - 3 年 IT 經驗，其中 1 年相關工作經驗

SA - 4 年 IT 經驗，其中 1 年相關工作經驗

SSA - 6 年 IT 經驗，其中 2 年相關工作經驗

PM - 8年 IT 經驗，其中 2 年相關工作經驗

SPM - 11 年 IT 經驗，其中 3 年相關工作經驗

OpenAI 🫱🏿‍🫲🏻Microsoft

 

我唔知大家點睇呢件事，對我來說，隨時是時代更替之大事，影響好深遠，亦打亂了我在一月十四日曾經定下的今年投資目標—— Ｇｏｏｇｌｅ，兩個月過去了，股價約由９２上升至１０２。與此同時，微軟股價由２４０升𡐷２８０。。雖然剛巧因為Ｓｉｌｉｃｏｎ　Ｖａｌｌｅｙ　Ｂａｎｋ及瑞信出了些狀況（現時比以往要令銀行濟提更加容易，只是三個鐘，ＳＶＢ便被提取了四十億美圓），及各龍頭科技公司都繼續炒人，但這仍然肯定會像啤酒泡般繼續膨脹一段時間，而且，這不是虚火，絕對對人類文明生活帶來巨大衝擊。。現時ＣｈａｔＧＰＴ還未開放至民用級別，當Ｎｅｗ　Ｂｉｎｇ出世後，普通市民都開始用的時候，真正的威力會像核爆般漫延開去。。我覺得Ｇｏｏｇｌｅ這次是失了先機的。。Ｍｉｃｒｏｓｏｆｔ能否在ＳｅａｒｃｈＥｎｇｉｎｅ上向Ｇｏｏｇｌｅ挑機呢。。我覺得是可以的。。呢場仗，應該係Ｂｉｌｌ　Ｇａｔｅｓ最後一場戰役。。

最後，結論係，我會投放５０：５０給他們倆。

Consented Data Exchange Gateway (CDEG)

 

在三月中，ＯＧＣＩＯ 搞左兩場 Ｓｅｍｉｎａｒ硬推 ｉＡＭ　Ｓｍａｒｔ既Ｓｉｎｇｌｅ　Ｐｏｒｔａｌ　ｆｏｒ　Ｏｎｌｉｎｅ　Ｇｏｖｅｒｎｍｅｎｔ　Ｓｅｒｖｉｃｅｓ．推得好急，可能是彌補安心出行的壽終正寢。。預算到２０２５年尾，所有政府既ｅ—Ｓｅｒｖｉｃｅｓ都要轉晒劃一用ｉＡＭ　Ｓｍａｒｔ登入，一個戶口，便能用晒政府入面五十幾個部門既服務，很是方便啊～～但調返轉咁講就係你簽一個Ｃｏｎｓｅｎｔ，就可以同整個政府同警隊同醫管局乃至所有私營機構，什至乎中國大陸方面亙轉亙通亙惠亙利，向一個中國又邁進一大步了。。但係你知啦，中國貴為一個依法治國的法治國家，他們一定會先要求大家自願分享個人資料的，免除了《個人資料（私隱）條例》的地雷。。而十九幾版既自願書中你應該都睇唔明嗰尐細節的了。。本會就很是擔心外國勢力會誤解香港政府的一片苦心，以為是想出賣港人來奶共。。大家要注意一下。

"NEW" T26 Top 10 FAQ

 你ＰＭ我講多尐你既ＢＡＣＫＧＲＯＵＤ。。。 做過乜野ＰＲＯＪＥＣＴ。。。一分鐘介紹一下唔該。。同埋你可以試下講下有無乜野曾經有 lesson learned 既地方既我覺得，儘量搵尐特別尐或有趣尐既野黎講。。

我整理十條好好好經常大家都常問的問題放在這裡，希望幫到大家，指教指教。

0️⃣ TCON 係乜野？

TCON 係一係張合約，歷史悠久，早在回歸前已存在。係政府資訊科技辦公室每幾年公開投票的一張合約，中標既公司大約有十零間，稱為 Agencies 公司。呢尐公司提供 IT 人俾各個政府部門，但佢地唔係中介公司，佢地係你實際上既僱主。 由於咁樣，佢地唔受法例僱傭中介公司監管，即只能收取第一個月人工的10%，作為收費，相反，佢地鐘意攞幾多就幾多，而且政府一完約我地都即時解僱。你睇到呢到如果應該都上火了是嗎？現實就是這樣，所以，本會成立既目的其中一樣就是要盡最大努力保護 TCON ，要做到呢一點，要靠大家支持，謝謝各位手足。。

1️⃣點樣加入成為 TCON❓

TCON 並沒有公開申請的。必須要透過 OGCIO 既 T 合約 Agency 公司入 Bid 申請。現時T合約公司如下。暫時資料顯示 PPB 同 Venturenix 好似開價不錯，Seamatch 都係，至於 EDPS 則因為推出了 Grauity 而乏人問津。。原來好多人都唔知道，我地係可以同一時間找幾間，睇下邊間會幫你入 bid，即係呢有時部門有個 Post，A 公司唔同你入但 B 公司可能會同你入都未定，所以同一時間，要 Submit Resume 去三間 Agencies 到。

2️⃣有什麼職級及入職要求為何❓

3️⃣各職級人工為何❓

呢個係部門俾 Agency 公司既平均數，大約啦我講，乘返 0.85-0.9 就差不多了。

• ITA 27000
• SITA 39000
• JP 37000 !
• P 43000
• AP 56000 !
• SA 75000
• SSA 78000
• PM 86000

4️⃣新入職人工低 D ❓

係真的，因為新位都真係有競爭的。。若果十五間都入BID，只會揀最低嗰五個 BID，所以開頭第一份係低少少。但再續約理論上Ａｇｅｎｔ就會入Ｃｅｉｌｉｎｇ　Ｐｒｉｃｅ，所以一定要同Ａｇｅｎｔ爭取返合理價錢。。Ａｇｅｎｔ有好多藉口拑你價的，不過你入到黎自自然然就會學精左。。有唔明就再問。。

5️⃣AGENT

雖然名義上Agent 係幫我地搵工，但每間 Agency 每個 Bid 只有一個名額，所以佢會找一個機會最大的佢認為，所以，Agent 同時都係一個 Filter ，幫政府 Shortlist 一批見得下人既人出黎。。所以，如果 Agent 叫你上去見下佢，你都要執到好似去見工咁既樣，西裝皮鞋，頭髮整齊咁去見佢。。

6️⃣TCON 做得長唔長❓

呢個問題好技術性下。首先黎講，通常每次簽約都係得一年半載既，因為政府財政預算係一年一年咁做的，所以，每個部門每年都要諗 D 新Project 去 OGCIO 到等批錢。若果拎唔到錢，咁就玩完了。不過，大家都知道啦，電腦既野，無論軟件硬件，每隔幾年都會 End of Support 咁啦，咁所以，差不多年年都會 Revamp 一部份 Systems 既。又政府每兩年又會要求部門要做 Security Risk Assessment & Audit 既，每唔知 5 年又要做 Departmental IT Plan，加加埋埋咁所以養左一大班 IT 人一段很長很長的日子，最長 TCON 都可以有三十年。。另一邊箱，部門係有少量出部門錢而唔係 Project 錢請既 TCON，作用係做 System maintenance 既 Admin task .. 最後，講到尾，如果你做得好，老細係有好多方法留你，而如果你做得唔好，咁你都唔使旨意可以留低啦。。

7️⃣完約要過冷河❓

完約前兩個月係可以經第二間 Agent 入第二份 BID 的，無冷河。。而完約後就更加無冷河。。冷河係報原ＰＯＳＴ但經第二個ＡＧＥＮＴ。。其實這種情況根本不會發生。。

8️⃣除左 Technical 知識，要學乜❓

拿，首先，要識做人。。要有自己原則。。下刪一萬字。。

除此之外，就要數Ｓｔｏｒｅｓ　Ａｎｄ　Ｐｒｏｃｕｒｅｍｅｎｔ　Ｒｅｇｕｌａｔｉｏｎｓ（ＳＰＲ）。。

呢個係Ｎｏｎ—Ｔｅｃｈｎｉｃａｌ既重中之重。。由ＡＰ到ＳＰＭ都要倒背如流咁濟。。先不說還要學埋ＳＯＡ 既 Ｔ＆Ｃ。。

在 Attachment 裡有一份，大家睇一睇。。我在諗可能可以畫個Chart 教一教大家。。

9️⃣每年會加人工❓

是的。T 合約每12個月可向上調整一次。以過去十二個月的乙類消費物價指數的平均值，及中級公務員加薪幅度作為參考，高者勝。今次 T25 合約在 2020年2月1日調整過，加薪幅度為 5.26%，即中級公務員的加幅。但之後就無加過了，連２０２２年４月１日公務員加左２.５％我地 ２０２３年２月１日都無調整，離晒譜🤬。。我心諗，咁乙類消費物價指數仲有乜用❓

🔟仲有乜其他福利❓有醫療福利嗎❓

咁一般勞工福利實有既。即係呢，如果你連續請四日病假，咁係可以拎返五分之四人工既。最低年假有七日，隨年資加到十四日（有手足多過十四日嗎？），年假可以全部換錢（但應該觸犯法例）。。一般醫療間間都有，但有Ｄ公司話唔要ＭＥＤＩＣＡＬ可以加返＄２００。。咁產假嗰Ｄ都實有既，但以前真係有 Agency 唔俾架.. 其他就無乜福利啦.. 無花紅無雙糧無約滿酬金，大家作比較時可用年薪來計喲～

1️⃣1️⃣ 如何加人工❓

簡單黎講呢，你要乍下佢型，下次續約時拖下佢，拖到佢怯，講到自己想離開呢個崗位出返私人試場咁，咁佢可能加多幾百..另一個積極既方法係完約前兩個月IN 其他 POST.. 我尐文都教晒你地..如果佢睇死你唔加人工都會續約就邊有可能加俾你呢...換轉你係AGENT都一樣啦。另外，年資越長都係一個bargaining point 去 俾返少少甜頭安慰一下我地既🤣

----------------------------------------------------------------------

最後，我建議大家，作為 TCON ，必需時常裝備自己，無論係知識上或體能上，我地每天都要保持在作戰狀態，不能鬆懈。我們係香港最優秀既一支 IT 團隊，比公務員 AP Grade 同事更為出色。謹祝各位一帆風順。

延伸閱讀:

第一次 https://www.patreon.com/posts/di-yi-ci-53985917

自我介紹 https://www.patreon.com/posts/54023615

如何跳草裙舞 https://www.patreon.com/posts/58756573

招聘過程 https://www.patreon.com/posts/59200522

招聘過程

 

喺各大平台都會有 Agencies 既招聘廣告。。大家寄五六封靚靚仔仔既信去就可以了，信封都打印會較企理一點。。

其實第一關大家要過既係AGENT，以前都一定要 IN 一 IN Agent 先既。。西裝骨骨咁用英文自我介紹一下咁，覺得OK咪初步傾一下個人工先囉請翻看<<第一次>>。。

過到 Agent 先有機會入BID，其實通常見五分都一定請左的。。如果有人見五份都未請請翻看<<自我介紹>>。。亦同我講聲我再幫你睇下問題係邊❓

各職級要求詳列於 Appendix II。。AP 需要 3 年工作經驗，其中 1 年與 AP 職位相關。。而 SA 就要 4 年工作經驗，其中 1 年與 SA 職位相關。。PM 就要 8 2 。。入左 BID 如果多過五間就只會揀最低價的五間見。。

至於學歷呢，最低要求係 5 科 3 分包括英文。。

面試其間，Candidate 要盡量講多D嘢，要佔八成時間架，口齒不靈就對鏡練習多幾次吧。。政府係會每個人都有約20-30分鐘，不能太多或太少以示公平。。

見唔見得成都好，通常三日內會有通知。。

大家一同努力吧。我們都可以向 PM 之路進發，加油~

如何跳草裙舞（😅還有這樣的說法嗎❓）

 

老實講，正如孫子兵法話齋，知己知彼，百戰不殆。首先黎講呢，唔係百戰百勝，你都高到無朋友而你不自知的話就係不知己天知彼，一戰收皮。

剛替一位手足成功爭取到超過 10% 的加幅，他是一位 CAP，收 40K，客觀地比市場低了兩三個 Points，於是乎問左老細可摸耳轉 Agent，老細肯應承，這個其實都只是舉手之勞，因為部門通常都有幾個 Project 再加上 Maintenance 咁，要換換位也不難，好多時我地出糧出喺邊個 Project 都可以彈性處理。。於是乎再教他先找其他 Agent，說清楚可以入 Ceiling price 實食無痴牙咁，然後有 Agent 開了 44K。未完，再返去同原本的 Agent 迫宮。呢個時候，佢只好無可奈可地開出 45K。。

成個部處看似簡單，但要好精鍊才行，需要勇氣及智慧。。大家來得這裡，我必定盡力支援。。不過其實最最最重要係各位真係做得野，老細先想留你，俾尐掌聲自己。。👏👏👏

Introducing Yourself...

 Introducing Yourself...

呢個係第一個見 board 會遇到既問題，之前有會員說見過幾次但都不成功。於是乎我問佢攞左篇自我介紹來看看。結果一看便知大事不妙，我做老細都唔會請。先唔講英文文法那些。。

Good morning Sir/Madam, 

I am Bond, James Bond.  I have over 10 yrs IT experiences for mainly government department.  

Now I working in ABC as a systems analyst to provide SI service such as windows and Linux server, VMware hypervisor support. Sometimes, I revise the Linux shell script and SQL statement on Solarwinds to monitor application and DB, or manage some system services such as central log system, anti-virus, DNS, NTP and NAS.  

For storage management, I manage the raid group, SAN port and logical volumes allocation and replication in SAN storage for NAS , DB server and hypervisor.

For security issue, I arrange and proceed patch installation for OS and oracle DB or software version upgrade for system services.  And I also involved in Oracle support like generate AWR report, modify DB parameter or manage DB account. 

For my work in ABC for the past 7 yrs, I routinely provide Windows and Linux server support, server backup solution, server account and security patch management.  

I participated in a few projects such as central NAS, bus station system and servers’ virtualization to support the installation of OS , backup and antivirus agent , create cron job for log housekeeping.  Sometimes I need to revise the server policy in AD and hardening guide according to company's security policies. 

 I sincerely hope it will be useful and relevant to the post I applied.

讀後感:

呢篇自我👨‍🦱👩‍🦱🧔👩‍🦰介紹，其最大問題係向錯誤既對象黎講。講者一定假設左 IN 自己既人有強烈 IT Background. 對嗎❓如果唔係 好話唔好聽 Linux 都未必知你講乜。VMware、SAN、NAS、Raid Group、AWR Report、Solarwinds、Cron Job。。等等等等，都係要對 IT 有一定認識才能瞭解的。而好多坐Board既呢未必係 SSM、SM, 咁.. 雖然，最少都有一位 IT 同事。。咁所以你要先描繪出你既經驗，當你起樓🏗️，你唔會同人講我做過落石屎，紮鐵，畫圖咁，係嗎❓你一來就會同人講我起過青馬大橋🌉，起過政府總部，對嗎❓上文基本上無提過什麼偉大工程項目。聽者自然聽到眼瞓，心諗，快尐完啦收工，呢個人連表達能力都欠奉，點請❓無錯，第二點就係，IT人普遍既形象就係 NERD NERD 地👥。唔識表達。請AP以上都要幫手開 PAT 或者 PSC。。講嘢一嚿嚿咁真係死得。唔好以為自己 IT 幾勁就可以。我見過長毛西裝波鞋咁都夠贍死黎見工。喺咁架啦，外貌係有分數俾的，係先入為主架啦呢個世界，係歧視架啦呢個世界。你地入得會，我盡量講出真實有血有肉既一面俾你地知。。Presentable 係出黎社會受人重視既必要條件，話之你 Programming 寫到識飛。。實際上亦無乜人有咁叻。。(除了，至少有一個奇材，我唔係講自己。。如果多人想聽，日後再談。。)

你就算講一個 IT System ，都要盡量發挖出佢既有趣一面來講。即例如做過圖書館借閱系統，原來有 Report 🧾出返話邊本書每月最多人借過喎，分左唔同既種類 Top TEN 📊咁，方便部門購買多幾本書俾市民容易尐借到。。諸如此類。。起碼吸引到聽者對你有興趣，再引出一些問題，當然你事先諗定通常會引出什麼問題，到時候答出黎自然擲地有聲水到渠城了🥇。。